النهاردة عايز اكلمكم في شوية حاجات اولها: شكرا منتخبا شرفتنا
بقول لمنتخب مصر شكراً على الاداء الراقي والمتميز فرحاتنا وخلتنا نفتخر اننا مصرين برغم الهزيمة التقيلة والفصول البايخة اللي خلاص اتعودنا عليها بس املنا اننا نصعد كاس العالم الامل صعب لكنة مش مستحيل مادام هناك تضحية واخلاص واعرفوا انكم بتمثلوا مصر يعني انتم رموز فكونو خير سفير لاعظم وطن تحية خاصة للمعلم شحاتة رغم بعض السلبيات بس مش مهم فرحتونا يا ولاد ومستنين الفرحة الكبيرة علشان نفرس الشمتانين بهزيمتنا امبارح وهما عرفيين نفسهم كويس!!
تانيها: اية اللي بيحصل في ايران
اللي بيحصل في ايران ياسادة انتفاضة شعب مخنوق ومشتاق للحرية خلاص الكبت وصل بالشعب الايراني من الحكم الديكتاتوري اسف (الاسلامي) منتهاه الناس لما تبقى مشتاقة للحرية تعمل اكتر من كدة الناس نفسها تتحرك بحرية بدون رقيب وتلبس اللي يعجبها وتتكلم بحرية وبدام الحرية لا تهب لاحد
لا لازم تنتزع فكان دا المتوقع واللي جاي اكبر واكبر وانتظروه!!
تالتها: سلسة جديدة هنزلها قريب يارب تعجبكم
انتتظروا المجموعة الجديدة بتاعتي عن اللغة المصرية تحت عنوان (مصر بتتكلم مصري) وهتكلم فيها عن لغتنا المصرية الجميلة واللي لسه عيشة معنا لغاية دلوقت رغم اختلاف الزمان وتعاقب الالسنة ... ودي دعوة لاحياء اللغة المصرية من جديد
واخر حاجة بقى بركولي واللي بيحبنا ميفرأعش بمب علشان انا داخل على جواز بعد 
10ايام ومش فاضي فهقفل الموقع دا وملحقاتة لاني عايز اركز ومش عايز احتاج لدروس خصوصية ولا مجموعات تقوية لاننا والحمد الله جمدين قوي وبنسد في وقت الامتحانات... ولان الامتحان دا بيبقى اهم امتحان في حياة الواحد مننا (طبعا المتجوزيين عرفيين الكلام دا كويس) علشان كدة مش هكون فاضي لاني بستعد للفرح وشهر العسل وعقبال عندكم جميعاً
10ايام ومش فاضي فهقفل الموقع دا وملحقاتة لاني عايز اركز ومش عايز احتاج لدروس خصوصية ولا مجموعات تقوية لاننا والحمد الله جمدين قوي وبنسد في وقت الامتحانات... ولان الامتحان دا بيبقى اهم امتحان في حياة الواحد مننا (طبعا المتجوزيين عرفيين الكلام دا كويس) علشان كدة مش هكون فاضي لاني بستعد للفرح وشهر العسل وعقبال عندكم جميعاًهتوحشوني
8 نسمة حريه:
اولا الف الف مبروك بمناسبة فرحك
وربنا يتمم لك بالف خير
اما بالنسبة للمنتخب فقلبى معاهم قلبا وقالبا وكل كلب بيجيب فى سيرتهم يخرس
من حق الشعب الايرانى يتنفس حرية وربنا معاهم وينالوا حريتهم
تحياتى والف مبروك مرة تانية
ميدوس ايها المصري الحر
اولا الف مبروك على الجواز و عقبالي يا رب
ثانيا لو حقيقة الانتخابات الرئاسية الايرانية فيها غش و تزوير من حق الشعب الايراني ينتفض و يثور و كمان لو هو رافض اساس الحكم من اصله من حقه يعيش في اي نظام هو عاوزه لكن فقط ان تكون تلك ارادته
مودتي و من جديد الف مبروك يا ميدوس
لولولولولولولولولوليييييييي
منتخب مين وايران مين
سمعني سلام طالعة السلالم واللي يحبنا يضرب ميت عيار
الف مبروك يا ميدوس وربنا يتمم لكم بخير ويؤدم ذات بينكما
ان شاء الله منتخب مصر يوصل لكأس العالم
زواج مبارك إن شاء الله
ألف مليون مبروك
العزيز موديس
ذي مش شوية حاجات ذي حاجات كثيرة وكبيرة
نشاركك همومك وتعطشك للحرية
أتمنى أن تمر على موضوع هام في مدونتي وتدلي بدلوك للضرورة
مودتي
أما عن زواجك أيها العزيز فتستحق حفلة بين المدونات
أعرف حياة المتزوجين لذلك أقول لك لا تكن متزوجا تقليديا
اعمل لزوجتك مدونتها كما فعلت أنا وجرها لعالم التدوين
مودتي
الف مبرووووووووك..
ان شاء الله ربنا يوفقك ويابرك ليكم وتعيشوا سعداء ان شاء لله فى عش الزوجيه السعيد..
اول مره ازرو المدونه وعلى خبر حلو كمان ايه السعد ده..
الف مبروك كمره تانيه..
لا ده ماكنش شهر عسل ده
انا اشتقت لحكايات مصر
والله ولك وحشة
يالا ياسيدي نزل حكايات لغتنا المصرية والا مش ها تيجي لحد ما تجيب أبو حنفي جنيور؟
سلام وللعروسة كمان
إرسال تعليق