20‏/11‏/2013

لأنك عظيمة


لانك عظيمة .. لانك عظيمة
قدرتي تصحي فى قلوبنا العزيمة
محيتي فى لحظة محيتي فى لحظة
الشعور بالهزيمة وزرعتي الارادة فى ارض الميدان

لانك جميلة .. لانك جميلة
عملنا حاجات كانت مستحيلة 
قالولك شبابك .. قالولك شبابك
ضعيفة وعميلة .. رفضتي الاهانة وهتفتي كمان

قولتي اللى ضحي عشاني بدمه
وساب كل حاجة وكان كل همه
يجيبلى حقوقي من اللى باعوني
مانا اولي بيه مانا اصلي امه

وقولتي ولادي مهماش اعادي
وقولتي اللى خارج عشاني ينادي
ده ابني حبيبي وده اللى باقيلي

ساعتها قولنا بلادي وبلادي
بلادي بلادي بلادي 
لكي حبي وفؤادي
بلادي بلادي بلادي 
لكي حبي وفؤادي


لانك حياتنا .. لانك حياتنا
لان انتمائنا بيجرى فى جيناتنا
لا يمكن تموتي .. لا يمكن تموتي
غير بعد موتنا فداكي حياتنا يام البلاد

لانك اصيلة .. لانك اصيلة
جمايلك علينا مهياش قليلة
سهرنا فى شوارعنا 
سهرنا فى شوارع ليالي طويلة
بنحميكي من خدامين الفساد

قولتي اللى ضحي عشاني بدمه
وساب كل حاجة وكان كل همه
يجيبلى حقوقي من اللى باعوني
مانا اولي بيه انا اصلي امه

وقولتي ولادي مهماش اعادي
وقولتي اللى خارج عشاني ينادي
ده ابني حبيبي وده اللى باقيلي

ساعتها قولنا بلادي وبلادي
بلادي بلادي بلادي
لكي حبي وفؤادي
بلادي بلادي بلادي
لكي حبي وفؤادي