الصراع بين الابيض والاحمر هو صراع مستمر في مصر منذ اقدم العصور وحتى يومنا هذا وان اتخذ اشكال مختلفة ومتنوعة ومش هنبعد كتير من زمنه دا وانما هنرجع بس لسبعه الاف سنه ورا ونشوف اية الموضوع بين الابيض والاحمر من ايام جدودنا الفراعنة ولغاية عصرنا الحالي المشهد الاول
انتصار ملوك الجنوب والتاج الابيض على ملوك الشمال والتاج الاحمر
الحكاية تبدأ من ايام العداء الذي مزق مصر الى قسمين قسم شمالي ليهم تاج احمر ورايات حمر وقسم جنوبي ليهم تاج تاني ابيض ورايات بيض الجنوبيين بتوع التاج الابيض كانوا بيعتبروا نفسهم الملوك الشرعيين لمصر وان اهل الشمال بتوع التاج الاحمر ما هم الا غرباء احتلوا اقليمها الشمالي واشاعو فية الفوضى والشر وانهم مش مصريين لان المصري لازم ينتمي للراية البيضاء راية الجنوبيين فقرر ملك الجنوب ذو التاج الابيض وهو الملك العظيم مينا استرداد حق الراية البيضاء ونصرها وتوحيد ابناء مصر تحت راية واحدة هيا الراية البيضاء والتاج الابيض واقتلاع الراية الحمر من ارض مصر الغالية 
وكان له ما اراد فأنتصر على اهل الشمال الحمر واقتلع رايتهم الحمرا من ارض مصر واصبحت مصر كلها بيضاء وعلشان يثبت انتصارة دا لبس التاج بتاعهم رغبة في اذلال وهزيمة رؤسائهم
المشهد الثاني
الصراع بين انصار سيث الحمر وانصار حور البيض
المشهد التاني بيدور في الاساطير المصرية والحكايات بين واحد اسمة سيث اتخذ من اللون الاحمر والنار والسلعوه رمز له , وواحد تاني اسمة حور اخد من الابيض راية له الصقر رمز له
والحكاية بتدور حولين ان سيث قتل ابو حور اللي اسمه اوزير ودا من حقدة علية ولما جة حور للوجود قرر الانتقام لمقتل ابوة من زعيم الحمر السيثاوين فجمع اعوانه من الحوراوين البيض ودخل الفارس الابيض المعركة الحاسمة بين الخير والشر بين الابيض والاحمر واستطاع قتل سيث و أخد بتارة واصبحت مصر حوراويه بيضاءالمشهد التالت
الصراع الكروي بين الزمالك الابيض والاهلي الاحمر
فى العصر الحديث اصبح هناك صراع من نوع جديد وهو الصراع الكروي بين الاحمر والابيض وهو نفسة الصراع الذي دار على ارض مصر من زمان ولكن الادوات اختلفت وبقيت كورة والدليل على استمرار الصراع القديم هو ان البيض خلوا شعارهم ابيض وفية رامي فرعوني يحاول اصطياد الاحمر
ورغم ان انصار الابيض والاحمر لازالوا في صراعهم الا ان موازين القوى اختلفت فالاحمر الذي ولد مجهول الهويه وعاد للوجود بعد اقتلاعه من ارض مصر واتخذ شعار الصقر هذة المرة حتى يضلل المصريين ويخدعهم بكونه هو حور الابيض القديم فاصبح هو الان صاحب اليد العليا في الصراع وقد دخل الصراع ايضا اطراف اخرى غير الابيض والاحمر فاصبح هناك الاصفر الصديق الصدوق للابيض والاخضر والازرق واخلطت الالوان لكن عودة الابيض الى مسرح الصراع بعد ابتعادة عنه اكيد لان الزمان يعيد نفسة وكما كان اجدادنا يمثلون حكاية حور وسث ويتصارعون في حروب دامية بين الشمالين الحمر والجنوبين البيض ودائما كتب للبيض النصر فيها سيعود وينتصر وستبقى راية الحوراوين باقية عالية
انت بقى حوراوى ولا سيثاوي؟؟
الموضوع كلة مجرد فكاهه ورغم ان به بعض الحقائق التاريخية و لالقاء بعض الاسقاطات على الوضع الحالي في مصر بين الاحمر والابيض وان تاريخ الصراع قديم بين الابيض والاحمر
