13‏/12‏/2013

حكومة عاهات لا كفاءات



حكومة د.الببلاوي دي كل يوم بتثبتلي انها حكومة عاهات مش كفاءات... حكومة جاية علشان تزيد فقر الفقير وتزود غنا الغني.. خبر زي الغاء الدعم عن من يزيد معاشه عن 1200 جنية دا خبر ممكن يولع فيهم في ظل فشلهم في وضع حد اقصى للمرتبات يطبق ع الجميع واستثنا منهم الوزرا والبترول والبنوك...
الموضوع دا اكيد خيال ولا يمكن يكون ف الوزارة دي حد درسه كويس ..!!  لان 1200 جنية دول الوزير بيشرب بيهم ميه معدنية او بيتعشا بيهم سندوتشات..!!
يا باشا ولا 3000 جنية تكفي اسره مكونه من زوج وزوجه وطفل في ظل الاسعار الوالعة وغير المستقرة والمستشفيات الحكومية الزبالة والبطالة بين الشباب..
يا عم الوزير انت عارف اللي معاشه 1200 جنية دا بيجيب دوا بكام.. وعنده عيل مش متعين بيساعدة.. او بنت مش متجوزه بيساعدها..
لو عايزين ترشدوا نفقات متجوش ع الفقرا في البلددي متكرهوش الناس فيها اكتر.. كفاياكوا مواكب وورد في المكاتب وعشاء عمل ومرتبات متستحقوهاش...!!
يا عم الوزير راجع نفسك وقبل ما تلغي الدعم عن اللي دخله 1200 جنية وفر للناس مستشفيات يقدر يتعالج فيها بجد.. ووظيفة للخريجين اللي كل واحد فيهم زي الشحط ولسه مسؤولين من اولياء امورهم لعدم وجود عمل لهم.. واظبط اسعار السوق اللي كل يوم بحال.. وبعدين ابقا شيل دعم واعمل كوبانات للغاز
يا عم الوزير كون ع قد المسؤوليه اللي هتتسأل عنها ادام ربنا.. واعرف اننا بلد بتعاني اقصاديا وابدأ بنفسك علشان الفقير يقلدك.. وبلاش تركزوا مع الطبقة الوسطى وبصوا شويه مع الطبقة اللي وكلاها والعه..!!

مع تحياتي محمود فرحات

12‏/12‏/2013

استشعار القاضي الحرج


الاصل في القاضي الحياد وان يتحلى بالنزاهة والعدالة ولا يتأثر بميوله او مصالحة الشخصية ولذلك منح المشرع القاضي الحق في التنحي عن نظر قضية ما لاستشعارة الحرج في نظر الدعوى المعروضه عليه

والمشرع اراد بذلك ان يحرر ضمير القضاه من اي عبء يقيده ويحول دون حيادة وموضوعيته في قضائه ولو لم يكن السبب من الاسباب التي ذكرها المشرع لعدم الصلاحية او الرد ولقاضي الموضوع سلطة تقديرية في ذلك

 ويرتبط استشعار القاضي الحرج بحالات رد القاضي الاربعة وحالات عدم صلاحية القاضي الثمانية التي حددها المشرع وهى كما يلي...

اولا.. حالات رد القاضي:
1- اذا كان للقاضي او لزوجتة دعوى مماثلة للدعوى التي ينظرها او وجدت خصومة مع احد الخصوم
2- اذا كان لمطلقة القاضي او لأحد من اقاربة او اصهارة خصومة او زوجتة
3- اذا كان احد الخصوم خادما للقاضي او اعتاد القاضي مؤاكلته او مساكنته او تلقى منه هدية
4- المودة والعداوة مع احد الخصوم

ثانيا.. اسباب عدم صلاحية القاضي:
1- اذا كان القاضي قريب او صهر لأحد الخصوم من الدرجة الرابعة
2- القرابة او المصاهرة بين القاضي وقاض اخر في ذات الدائرة او مع ممثل النيابة او المحامي (م75ق السلطة القضائية)
3- وجود خصومة قائمة
4- وجود مصلحة في الدعوى القائمة
5- قرابة القاضي بوصي احد الخصوم او بالقيم علية او بعضو مجلس ادارة الشركة او المدير الذي له مصلحة شخصية في الدعوى
6- الوكالة والنيابة ومظنه الوراثة
7- افتاء القاضي او مرافعته او سبق نظرة او شهادته في الدعوى
8- الحكم بقبول مخاصمة القاضي او رفعة دعوى تعويض على من طلب رده

فاذا قامت احد حالات عدم الصلاحية او الرد جاز للقاضي التنحي عن نظر القضية والا جاز لاي من الخصوم رد القاضي وان لم يتم رد القاضي لعدم صلاحيته ونظره للقضية اصبح ما يصدر عنه من قضاء باطلا بطلان مطلقة.

مع تحياتي محمود فرحات

9‏/12‏/2013

10 ديسمبر يوم حقوق الانسان

(لكل انسان الحق في الحرية.. والكرامة.. والمساواة.. والسلام.. والمعرفة.. والعمل.. والراحه.. والعدالة.. والحماية.. والزواج.. والسكن.. والحياه.. والصحة.. والاعتقاد.. والتعليم.. والمشاركةالسياسيه.. والعمل الاجتماعي.. وعدم التمييز.. والاعتراض.. والاعتصام.. والتظاهر.. والمواطنه.. والحماية من الفقر.. والحماية من التعذيب والتعسف.. والتعبير عن الرأي.. و........)
ذكرى اليوم العالمي للاعلان العالمي لحقوق الانسان 10 ديسمبر من كل عام


انا مش هنحني ولا بنتمي 
ليك يا زماني
انا مش هتسند ولا هتولد
فيك يا زماني
حلمى انا ازرع ورود
مكان الحدود
بين البشر
امسح دموع
طفل موجوع
وحساس بالخطر
حلمى انا فى عيون للناس
لكنه تاه وسط الاحداث
لكن انا مش ناسى
ومش قادر ابد يوم جديد
انا مش هنكسر ولا هتهزم
فيك يا زماني
انا مش هتروى من بحر غرقنا
فيه كل احلامى
حلمى انا ان العيون
متشفش لون للانسان
نلغى الحروب ونجمع قلوب
تدوق السلام




3‏/12‏/2013